February 20, 2022 cu avoi 74th nak Chin Miphun asi bantuk in K-Waterloo peng khulh chung khuasa hna nih hlunghlai ngai in tuah kan duh ko nain kan umnak ram Covid pulrai ralrinnak tuah mi ruang ah khamnak (Restrictions) le zulh phung tete aum caah zapi in tuah awk kan tha rih lo. Cun kan Chinram le Kawlram pumpi ah ralhrang nih uknak an laak pin ah kan Chinram zong ral an kan thawh hnawh i minung nunnak tampi aliam lawng siloin khua le ram zong an kan hrawk piak dih lio caan asi.
Tu kum -2022 cu zapi chuak in kan Miphun Ni kan tuah khawh lo hmanh ah Community upa le khuanu/khuapa tlawm te achuak kho mi nih Chin Miphun Ni philhlonak (Memorial Service) bantuk in hman kan i tim. Online in kan thlah te lai. Mah le umnak hmun cio in kan Chin Miphun Ni philhlonak rak hmang cio uh. Pathian sin thlacamnak zong in rak dirpi cio uh tiah kan in sawm hna.
No comments:
Post a Comment